چین کا آئی سی سی سے عدالتی غیر جانبداری برقرار رکھنے اور لیبیا کی خودمختاری کا احترام کرنے کا مطالبہ

اقوام متحدہ (شِنہوا) چین نے بین الاقوامی فوجداری عدالت (آئی سی سی) پر زور دیا کہ وہ لیبیا کی عدالتی خودمختاری کا مکمل احترام کرتے ہوئے اپنی ذمہ داریاں غیر جانب دارانہ انداز میں انجام دے۔
اقوام متحدہ میں چین کے نائب مستقل مندوب سن لی نے سلامتی کونسل کو بتایا کہ بین الاقوامی عدالتی اداروں کو اپنی ذمہ داریاں آزادانہ، معروضی اور غیر جانبدارانہ طریقے سے انجام دے کر بین الاقوامی ساکھ کا ہر صورت میں تحفظ کرنا چاہیے کیونکہ یہی ان کی بقا کی بنیادی ضمانت ہے۔
سن لی نے کہا کہ بین الاقوامی عدالتی اداروں کو سیاسی عوامل کی مداخلت کا نشانہ نہیں بننا چاہیے اور نہ ہی انہیں مخصوص فریقوں پر دباؤ ڈالنے کے لئے منتخب انداز میں استعمال کیا جانا چاہیے۔
سن لی نے آئی سی سی پر بین الاقوامی اور ملکی نظام انصاف کے درمیان تعلقات کو مناسب انداز میں برقرار رکھنے کی ضرورت پر بھی زور دیا۔’’ چین کا ہمیشہ سے یہ موقف رہا ہے کہ بین الاقوامی فوجداری انصاف کو متعلقہ ممالک کے عدالتی فرائض کا متبادل نہیں بننا چاہیے۔‘‘
سن لی نے مزید کہا کہ ’’متعلقہ مقدمات کی تحقیقات اور ان پر فیصلے کرتے وقت عدالت کو لیبیا کی عدالتی خودمختاری کا مکمل احترام کرنا چاہیے اور اس کے جائز تحفظات کو سنجیدگی سے لینا چاہیے۔‘‘
سن لی کے مطابق عدالت کو لیبیا کے عدالتی حکام اور عوام کے ساتھ رابطے اور ہم آہنگی کو مضبوط بنانا چاہیے، ٹھوس اقدامات کے ذریعے متاثرین کے مطالبات کا جواب دینا چاہیے اور لیبیا کے عوام کی حمایت اور اعتماد حاصل کرنا چاہیے۔



  تازہ ترین   
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
صدرِ مملکت آصف علی زرداری نے 12 بلوں کی منظوری دے دی
ایران نے نئے زیر زمین میزائل سٹی کی ویڈیو جاری کردی
ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ
ایران ہمارے ساتھ ڈیل کا خواہشمند، جوہری ہتھیار کبھی حاصل نہیں کرنے دینگے: امریکی صدر
دہلی: پاکستان مختلف تہذیبوں اور ثقافتوں کا امتزاج ہے، مکالمے کی خوبصورتی تنوع میں ہے، مصدق ملک
عباس عراقچی نے افزودہ یورینیم کے معاملے پر ثالثوں کی تجاویز قابل غور قرار دے دیں
حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر