عالمی بحرانوں میں چین کے گلوبل ڈیویلپمنٹ انیشی ایٹو کی اہمیت میں اضافہ ہو رہا ہے، فلسطینی وزیر خارجہ

رملہ(شِنہوا) فلسطین کی وزیر خارجہ وارسن آغابیکیان شاہین نے کہا ہے کہ چینی صدر شی جن پھنگ کی جانب سے پیش کیا گیا گلوبل ڈیویلپمنٹ انیشی ایٹو (جی ڈی آئی) دنیا بھر میں جاری تنازعات اور بحرانوں کے تناظر میں مزید اہمیت اختیار کر گیا ہے۔ یہ بین الاقوامی تعاون کو فروغ دینے اور ترقی پذیر ممالک کی معاونت میں اہم کردار ادا کر رہا ہے۔
شاہین نے شِنہوا کو دیئے گئے ایک حالیہ انٹرویو میں کہا کہ غربت، غذائی عدم تحفظ، موسمیاتی تبدیلی اور تنازعات سمیت عالمی چیلنجز میں اضافے کے باعث ترقی کے حصول کے لئے بین الاقوامی تعاون پہلے سے کہیں زیادہ ضروری ہو گیا ہے۔
فلسطینی وزیر خارجہ نے مزید کہا کہ یہ اقدام تنازعات سے متاثرہ خطوں بالخصوص مشرق وسطیٰ کے لئے خصوصی اہمیت رکھتا ہے جہاں طویل عرصے سے جاری تنازعات اور بار بار پیدا ہونے والے بحرانوں کا سامنا ہے۔
شاہین کے مطابق ’’ترقی پر عالمی توجہ مرکوز کرنا ایک واضح پیغام دیتا ہے کہ مستقبل کی تعمیر کے لئے عوام پر سرمایہ کاری اور ان کی ضروریات پوری کرنا ضروری ہے۔‘‘
شاہین نے کہا کہ ’’فلسطینی عوام کے لئے ترقی کا مطلب مشکل سیاسی، اقتصادی اور انسانی حالات کے باوجود اپنی ثابت قدمی اور اپنی سرزمین پر رہنے کی صلاحیت کو مضبوط بنانا ہے۔‘‘
شاہین نے فلسطینی عوام کی حمایت اور ان کی معاونت کے لئے ترقیاتی منصوبوں پر عملدرآمد کرنے پر بھی چین کی ستائش کی۔
ستمبر 2021 میں چینی صدر شی جن پھنگ نے اقوام متحدہ کی جنرل اسمبلی کے 76ویں اجلاس میں گلوبل ڈیویلپمنٹ انیشی ایٹو پیش کیا تھا۔ عملی اقدامات کے ذریعے اس اقدام نے عالمی ترقی کے فروغ میں اہم کردار ادا کیا ہے۔ اس کے تحت 23 ارب امریکی ڈالر سے زائد کے مالی وسائل متحرک کئے گئے اور تعاون کے 2 ہزار سے زیادہ منصوبوں پر عملدرآمد کیا گیا۔
خصوصاً عالمی ترقی اور جنوب جنوب تعاون فنڈ کے تحت عملی تعاون کے نتیجے میں 70 سے زائد ممالک میں نمایاں کامیابیاں حاصل ہوئی ہیں جس سے 4 کروڑ سے زیادہ افراد مستفید ہوئے ہیں۔



  تازہ ترین   
امریکا، ایران تنازع کا حل جلد نکلنے کی امید ہے، نائب وزیر اعظم اسحاق ڈارکا یورو نیوز کو انٹرویو
صدرِ مملکت آصف علی زرداری نے 12 بلوں کی منظوری دے دی
ایران نے نئے زیر زمین میزائل سٹی کی ویڈیو جاری کردی
ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ
ایران ہمارے ساتھ ڈیل کا خواہشمند، جوہری ہتھیار کبھی حاصل نہیں کرنے دینگے: امریکی صدر
دہلی: پاکستان مختلف تہذیبوں اور ثقافتوں کا امتزاج ہے، مکالمے کی خوبصورتی تنوع میں ہے، مصدق ملک
عباس عراقچی نے افزودہ یورینیم کے معاملے پر ثالثوں کی تجاویز قابل غور قرار دے دیں
حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر