لاہور(نیشنل ٹائمز) چیف جسٹس پاکستان کی زیر صدارت جوڈیشل کمیشن کے اجلاس میں لاہور ہائیکورٹ کے لیے 10 نئے ججز کی تقرری کی منظوری دے دی گئی۔

چیف جسٹس آف پاکستان کی زیرصدارت اجلاس میں سید فرہاد علی شاہ، امجد پرویز، اسد باجوہ، غلام سرور نہنگ، شیریں عمران، عثمان غنی راشد چیمہ، منور دوگل، امیر عجم ملک، خالد ابن عزیز اور اجمل خان کو ایڈیشنل جج مقرر کرنے کی منظوری دی گئی۔

جوڈیشنل کمیشن کے اجلاس میں لاہور ہائیکورٹ کے ایک جج کی مستقلی اور 10 ایڈیشنل ججز کی تعیناتی پرغور کیا گیا، مجموعی طور پر 10 نشستوں کے لیے 24 امیدوار میدان میں آئے۔

جوڈیشل کمیشن کے اجلاس میں بلوچستان ہائیکورٹ میں ججز کی تقرری کا معاملہ بھی زیر غور ہے، اجلاس میں 20 امیدواروں کے ناموں پر غور ہو رہا ہے۔