پل خمری(شِنہوا)افغانستان کے شمالی صوبہ بغلان کے ضلع بغلان مرکزی میں بارود سے بھری ایک فوجی گاڑی پھٹنے کے باعث 4 افراد ہلاک اور 28 دیگر زخمی ہو گئے ہیں۔صوبائی پولیس کے ترجمان احمد جاوید بشارت نے منگل کے روز شِنہوا کو بتایا کہ عسکریت پسندوں نے ایک فوجی گاڑی اغوا کرنے کے بعد اسے بارودی مواد سے بھر دیا اور اس گاڑی کو گزشتہ روز مقامی وقت کے مطابق شام 6 بجے مزاحمتی ضلع بغلان مرکزی میں پولیس ہیڈکوارٹرز کے سامنے دھماکے سے اڑا دیا ، جس کے نتیجے میں ایک عام شہری سمیت 4 افراد ہلاک اور 20 عام شہریوں سمیت 28 دیگر افراد زخمی ہو گئے ہیں۔عہدیدار نے بتایا کہ آس پاس کی متعدد دکانیں اور رہائشی مکانات تباہ ہو گئے ہیں یا انہیں شدید نقصان پہنچا ہے۔طالبان عسکریت پسند گزشتہ ایک ماہ سے کابل سے 160 کلومیٹر شمال میں واقع صوبائی دارالحکومت پل خمری کے قریب آنے اور شورش زدہ ضلع بغلان مرکزی پر قبضہ کرنے کیلئے لڑ رہے ہیں۔