بیجنگ(شِنہوا)چین نے سزائے موت پرنظرثانی میں انسانی حقوق کے تحفظ کو تقویت د یتے ہو ئے حالیہ برسوں میں سزائے موت پر لاگو شرائط سخت کردی ہیں۔سپریم عوامی عدالت(ایس پی سی)کے ایک سینئر جج لی شیا نے ایک پریس کانفرنس میں بتایا کہ قابل تحسین خدمات انجام دینے والے مدعا علیہان کو عام طور پر نرمی دی جائے گی اور اگر ممکن ہوا تو انہیں سزائے موت سے استثنی دیاجائے گا۔لی نے مزید کہا کہ 75 سال سے زائد عمر کے مدعا علیہان پر اس وقت تک سزائے موت کا اطلاق نہیں ہوگا جب تک وہ جان بوجھ کر خاص طور پر سنگین حالات میں قتل یا جرم نہیں کرتے ۔انہوں نے کہا کہ اعلی عدالت نے اعلی معیار ، سخت ترین شرائط کی پاسداری کی ہے اور قانون کے مطابق حقیقت پر مبنی طرز عمل اختیار کیا ہے۔لی نے کہا کہ سزائے موت پرنظرثانی کے دوران سپریم عوامی عدالت مدعا علیہ کے وکیلوں کی رائے کے ساتھ ساتھ کیس کے بارے میں سپریم عوامی استغاثہ کے نگران نتائج پر بھی ممکن حد تک توجہ دیتی ہے۔