Xاسلام آباد (نیشنل ٹائمز)چند روز قبل 49 برس کی عمر میں کراچی میں انتقال کرنے والے رکن قومی اسمبلی کی تدفین ان کی وصیت کے مطابق عبداللہ شاہ غازی کے مزار کے احاطے میں کی گئی۔اپنی زندگی میں عامر لیاقت صوفی بزرگ عبد اللہ شاہ غازیؒ کی اپنی نظر میں اہمیت کا ذکر بھی کر چکے ہیں۔عبد اللہ شاہ غازی سے متعلق عامر لیاقت کی گفتگو چند سال قبل کی ہے جس میں انھوں نے جیو نیوز کے زیر اہتمام جشن صبح بہاراں کے آغاز پر نیوز اینکرز کے سوال کا جواب دیتے ہوئے صوفی بزرگ سے متعلق اپنے خیالات کا اظہار کیا۔سوشل میڈیا پر وائرل ویڈیو کلپ میں عامر لیاقت کو کہتے سنا جا سکتا ہے کہ عبد اللہ شاہ غازی تابع بزرگ ہیں جو کہ ایک ایسے بزرگ ہوتے ہیں جن کا صحابہ کرام سے تعلق رہا ہو یا ان کی صحابہ کرام سے ملاقات ہوئی ہو، اس لیے عبد اللہ شاہ غازیؒ ایک عظیم صوفی بزرگ ہیں۔