اسلام آباد(نیشنل ٹائمز)پاکستان تحریک انصاف کے سندھ حقوق مارچ کا روٹ سکیورٹی وجوہات پر تبدیل کردیا گیا ۔صبح لاڑکانہ سے روانہ ہونے والا سندھ حقوق مارچ اب رانی پور سے روٹ تبدیل کرکے مہران ہائی وے سے ہوتا ہوا نواب شاہ پہنچے گا۔ پی ٹی آئی کے رہنماؤں کو آج نوشہرو فیروز ضلع کے مختلف مقامات پر خطاب کرنا تھا۔پہلے مارچ کو رانی پور سے قومی شاہراہ سے گزرنا تھا اور کنڈیارو اور ہالانی سے ہوتے ہوئے نوشہرو فیروز پہنچنا تھا، جگہ جگہ استقبالیہ کیمپ لگائے گئے تھے جہاں پی ٹی آئی کے کارکنان استقبال کرتے اور پی ٹی آئی رہنماؤں کو خطاب کرنا تھا۔ سکیورٹی کی ایک وجہ یہ بھِی بتائی جارہی ہے کہ پیپلزپارٹی کے عوامی لانگ مارچ اور پی ٹی آئی کے سندھ حقوق مارچ کو آج نوشہروفیروز کی حدود سے گزرنا تھا۔