اسلام آباد (نیشنل ٹائمز): وزیرخارجہ شاہ محمودقریشی کا کہنا ہے کہ پی ڈی ایم کی اپنی صفوں میں ابھی تک یکسوئی نہیں، اگر ان کے پاس ووٹ مکمل ہوتے تو یہ حکومت میں ہوتے۔اپوزیشن کی جانب سے وزیراعظم کے خلاف تحریک عدم اعتماد لانے کے اعلان پر ردعمل کا اظہار کرتے ہوئے وزیرخارجہ شاہ محمود قریشی کا کہنا ہے کہ تحریک عدم اعتماد لانا اپوزیشن کا آئینی استحقاق اور مقابلہ کرنا ہمارا آئینی حق ہے، اپوزیشن نے بارہا کوششیں کیں مگر انہیں پے در پے ناکامیاں ہوئیں، پی ٹی آئی کے ارکان اسمبلی پہلے کی طرح ڈٹ کر اپنے کپتان کا دفاع کریں گے۔شاہ محمود قریشی کا کہنا تھا کہ پی ڈی ایم کی اپنی صفوں میں ابھی تک یکسوئی نہیں ہے، ان کے پاس اگر ووٹ مکمل ہوتے تو آج یہ حکومت میں ہوتے، اب بھی ان کے ووٹ پورے نہیں ہیں اور یہ دائیں بائیں دیکھیں گے۔