بیجنگ(شِنہوا) چین کی قدرتی گیس کی پیداوارمیں سال کے پہلے 2 ماہ کے دوران مستحکم اضافہ دیکھنے میں آیا ہے۔قومی بیورو برائے شماریات(این بی ایس) کے اعدادوشمار کے مطابق جنوری اور فروری کے دوران ملک کی قدرتی گیس کی پیداوارگزشتہ سال کی نسبت 13.5فیصد اضافہ کے ساتھ34.8ارب کیوبک میٹرز تک بڑھ گئی۔یہ اعدادوشمار2019کے اسی عرصہ کی سطح کی نسبت22.5فیصد نمو کے ساتھ ساتھ گزشتہ 2سال میں 10.7فیصد اوسط سالانہ نمو ظاہر کرتے ہیں ۔روزانہ کی اوسط پیداوار59کروڑ کیوبک میٹرز رہی جوکہ گزشتہ سال دسمبر سے1کروڑ کیوبک میٹرز کم ہے۔قومی بیورو برائے شماریات کے مطابق پہلے 2ماہ میں ملک کی قدرتی گیس کی درآمدگزشتہ سال کی نسبت17.4فیصد اضافہ کے ساتھ 2کروڑ8لاکھ ٹن رہی۔