اسلام آباد(نیوز ڈیسک )بھارت کے دارالحکومت نئی دلی میں پاک بھارت آبی تنازعات پر مذاکرات کے لیے پاکستانی وفد 22 مارچ کو بھارت روانہ ہوگا۔پاک بھارت کے درمیان آبی مذاکرات 23 اور 24 مارچ کو نئی دلی میں ہوں گے، مزاکرات کے لیے بھارت جانے والے پاکستانی وفد کی نمائندگی انڈس واٹر کمشنر مہر علی شاہ کریں گے جبکہ بھارت کی نمائندگی بھارتی واٹر کمشنر پردیپ کمار کریں گے۔واضح رہے کہ سندھ طاس معاہدے کے تحت ہرسال آبی مذاکرات ضروری ہیں جبکہ 2018ء میں پاک بھارت آبی مذاکرات لاہور میں ہوئے تھے۔ ذرائع انڈس واٹر کمیشن کے مطابق آبی منصوبوں ریتلے اور پکل ڈل پاور پراجیکٹس پر تحفظات ہیں، پاکستان مقبوضہ کشمیر میں متنازعہ آبی منصوبوں پر اعتراضات اٹھائے گا۔