سرگودھا(نیشنل ٹائمز)دولھا بدل کے آنے والے باراتیوں کو نہ صرف دلہن والوں نے خالی ہاتھ واپس لوٹا دیا بلکہ ان کے خلاف تھانے میں کارروائی کی بھی درخواست دے دی۔تفصیلات کے مطابق سرگودھا کے مقامی پولیس اسٹیشن میں دلہن کے والدین کی جانب سے دی گئی درخواست میں مؤقف اختیار کیا گیا ہے کہ شادی کے لیے جو لڑکا دکھایا گیا تھا وہ دوسرا تھا لیکن بارات کے ساتھ آنے والا دولھا کوئی اور تھا۔ تھانے میں دی جانے والی درخواست میں کہا گیا ہے کہ بارات کے ساتھ آنے والے دولھا کی عمر بھی زیادہ تھی۔ دلہن والوں کی جانب سے علاقہ پولیس کو بتایا گیا ہے کہ انہوں ںے قرض لے کر باراتیوں کو کھانا کھلایا لیکن انہی کے ساتھ دھوکہ ہو گیا اور بارات کی واپسی کے بعد انہیں دھمکیاں دینے کا بھی سلسلہ شروع کردیا گیا ہے۔