راولپنڈی(نیشنل ٹائمز)شمالی وزیرستان کے علاقے سپین وام میں دہشتگردوں کی جانب سے سیکورٹی فورسز پر فائرنگ کے نتیجے میں پاک فوج کا ایک سپاہی شہید ہوگیا۔آئی ایس پی آر کے مطابق دہشتگردوں نے سیکورٹی فورسز کی ایک چوکی پر فائرنگ کی،جس پر فورسز کے جوانوں نے دہشتگردوں کے ٹھکانے پر جوابی کارروائی کی،فائرنگ کے شدید تبادلے کے دوران 25سالہ سپاہی سیف اللہ جام شہادت نوش کرگیا،شہید سپاہی کرک کا رہائشی ہے،علاقے میں دہشتگردوں کی ممکنہ موجودگی اور ان کے خاتمے کیلئے سرچ آپریشن جاری ہے۔