اسلام آباد(نیشنل ٹائمز)وفاقی وزیرِ داخلہ شیخ رشید احمد کا کہنا ہے کہ اگلے جمعے تک سارے مسئلے ٹھیک ہو جائیں گے۔میڈیا سے گفتگو کرتے ہوئے وفاقی وزیرِ داخلہ شیخ رشید احمد نے کہا ہے کہ ملکی ماحول ٹھیک ہے، ساری چیزیں سیٹلڈ ہیں۔ان کا کہنا ہے کہ بعض لوگ پاکستان کے حساس ترین ادارے کو متنازع بنانے کی ناکام کوشش کرتے ہیں، ہمارے عظیم ادارے کے بد خواہ اور جمہوریت جنہیں ایک آنکھ نہیں بھاتی وہ ناکام ہوں گے۔وفاقی وزیرِ داخلہ شیخ رشید احمد نے کہا ہے کہ کوئی حکمراں نہیں چاہتا کہ مہنگائی ہو، دنیا میں منہگائی کا بحران آیا ہوا ہے۔ان کا مزید کہنا ہے کہ افغانستان کے استحکام، ترقی اور امن کے لیے ہماری دعائیں ہیں۔وزیرِ داخلہ نے یہ بھی کہا ہے کہ انسانی بنیادوں پرافغانستان کی مدد کی جائے، افغانستان میں امن و امان کے خواہاں ہیں۔