اسلام آباد(نیشنل ٹائمز)فرخ حبیب کی جانب سے پیپلزپارٹی کے خلاف بیانات کے معاملے پرپیپلزپارٹی نے وزیر مملکت فرخ حبیب کو چیلنج کر دیا۔سلیم مانڈوی والا نے کہا کہ فرخ حبیب کے پیپلزپارٹی کے فنانشل دستاویز تک رسائی سے متعلق بیانات جھوٹ اور حقائق کے منافی ہیں۔انہوں نے دعویٰ کیا کہ جعلی اکاونٹس کیس الیکشن کمیشن میں زیر سماعت ہے۔فیصلے سے قبل فرخ حبیب نے پیپلزپارٹی پر 12 اکاونٹس چھپانے کا الزام عائد کرکے پارٹی کو بدنام کرنے کی کوشش کی ہے۔انہوں نےکہاکہ الیکشن کمیشن کے فیصلے سے قبل ہی فرخ حبیب کے بیانات کیس پر اثرانداز ہونے کے مترادف ہیں۔الیکشن کمیشن کے فیصلے سے قبل فرخ حبیب نے کیس کا فیصلہ کیسے سنا دیا؟ ۔ سلیم مانڈوی والا نے مطالبہ کیا کہ الیکشن کمیشن فرخ حبیب کے ان بیانات کا فوری نوٹس لے۔پیپلزپارٹی نے اکاونٹس سے متعلق تمام دستاویز جمع کرا رکھے ہیں۔فرخ حبیب کو چیلنج کرتے ہیں کہ پیپلزپارٹی پر لگائے گئے الزامات ثابت کریں۔سب کو معلوم ہے کہ پیپلزپارٹی نہیں بلکہ خود تحریک انصاف جعلی اکاونٹس کیس سے بھاگ رہی ہے۔وفاقی وزراء کے الیکشن کمیشن پر حملوں کی ایک وجہ یہ بھی ہے کہ انہیں پتہ ہے کہ انکی چوری پکڑی جا رہی ہے۔