لاہور(نیشنل ٹائمز)لاہورپولیس نے علامہ اقبال ٹاؤن سے لڑکیوں کو بیرون ملک فروخت کرنے والے گروہ کو گرفتار کرلیا۔لاہور کے علاقے علامہ اقبال ٹاؤن میں پولیس نے نازیبا حرکات کرنے والے 03 ملزمان کو گرفتارکر کے تحقیقات کیں توملزمان بیرون ملک پاکستانی لڑکیوں کی خریدوفروخت میں ملوث پائے گئے ۔ ملزمان میں ایک خاتون بھی شامل ہے، ملزمان کے قبضہ سے 52,400 روپے جب کہ خاتون نہیہ بی بی سے ہینڈ بیگ اور 2,500 سعودی ریال و موبائل فونز بر آمد ہوئے ہیں۔پولیس کے مطابق ملزمان کے قبضے سے آئس اور گاڑی بھی برآمد ہوئی ہے جس کو پولیس نے قبضہ میں لے لیا ہے جب کہ مقدمہ درج کرکے مزید تفتیش کے لیے انویسٹی گیشن ونگ کے حوالے کردیا گیا ہے۔