لاہور(نیشنل ٹائمز)لاہور میں قتل و غارت کی وارداتوں میں خوفناک حد تک اضافہ ہونے لگا۔ محض 24 گھنٹوں میں 9 افراد کو بے دردی سے موت کے گھاٹ اتار دیا گیا۔بھاٹی گیٹ کے علاقہ میں فائرنگ سے دو افراد قتل لین دین کے تنازعہ پر ولائتی خان اور زلمے خان کو قتل کر دیا گیا ۔جوہر ٹاؤن کے علاقہ میں عبد الخالق نامی شخص کو گھڑی میں قتل کیا گیا۔ اقبال ٹائون کے علاقہ میں لین دین کے تنازعہ پر ملزم بلال نے سفیان کو قتل کیاجبکہ اچھرہ کے علاقہ میں گولی لگنے سے 28 سالہ جمشید جاں بحق ہو گیا۔شیرا کوٹ کے علاقہ میں 14 سالہ علی حسنین کو نامعلوم افراد نے تشدد کے بعد قتل کیا۔سندر کے علاقہ میں نامعلوم شخص کی فائرنگ سے خاتون نازیہ قتل ہوئی۔تھانہ شیرا کوٹ کی حدود میں چھڑیوں کے وار سے 18 سالہ عثمان قتل اورشادباغ کے علاقہ میں اکیس سالہ خاتون کو مبینہ طور پر چھت سے دھکا دے کر قتل کردیا گیا۔شہر میں قتل کی وارداتوں کے ساتھ چوری اور ڈکیتی کی وارداتیں بھی جاری ہیں۔ چوبیس گھنٹوں کے دوران شہری لاکھوں کی نقدی اور قیمتی سامان سے محروم سی سی پی او لاہور غلام محمود ڈوگر کا قتل ، چوری اور ڈکیتی کی بڑھتی وارداتوں کا محض نوٹس لینے میں مصروف ہے۔