اوکاڑہ(نیشنل ٹائمز) اوکاڑہ تا خنجراب پاس پیدل جانے والے عثمان ارشد کو وائس چانسلر یونیورسٹی آف اوکاڑہ کی جانب سے 15000 روپے نقد انعام اور اعزازی شیلڈ سے نوازا گیا۔ گزشتہ روز یونیورسٹی آف اوکاڑہ میں شعبہ ابلاغیات کے طلاب علم عثمان ارشد کے اعزاز میں تقریب پزیرائی کا انعقاد کیا گیا جس کی صدارت پروفیسر ڈاکٹر محمد واجد نے کی اس موقع پر سربراہ شعبہ ابلاغیات ڈاکٹر محمد زاہد بلال نے کلمات تحسین ادا کرتے ہوئے عثمان ارشد کی کاوش کو سراہا جبکہ وائس چانسلر آف اوکاڑہ پروفیسر ڈاکٹر محمد زکریا ذاکر کی جانب سے 15000 نقد انعام اور اعزازی شیلڈ عطا کی گئی۔ اس موقع پر پروفیسر ڈاکٹر محمد واجد نے بھی عثمان ارشد کو 5000 نقد انعامی رقم سے نوازا۔ تقریب سے اظہار خیال کرتے ہوئے دیگر شعبہ جات کے سربراہان نے نوجوان عثمان ارشد کی تحسین کی اور کہا یونیورسٹی آف اوکاڑہ مثبت سرگرمیوں کی ہمیشہ حوصلہ افزائی کرتی ہے۔