اسلام آباد(نیشنل ٹائمز) وزیر اطلاعات چوہدری فواد حسین نے کہا ہے کہ شہباز شریف پارٹی کے اندر ہونے والی نا انصافیوں کا غصہ غیر آئینی اور غیر جمہوری مطالبات کرکے نہ نکالیں۔ مولانا اپنی سیاسی انا کی تسکین کے لیے جمہوری نظام سے نہ کھیلیں۔ چوہدری فواد حسین نے شہباز شریف اور مولانا فضل الرحمان کی پریس کانفرنس پر ردعمل دیتے ہوئے کہا ہے کہ پی ایم ایل این کی سیاست کو بڑے میاں صاحب اور ان کی صاحب زادی نے دفن کر دیا ہے، شہباز شریف پہلے طے کر لیں کہ وہ پارٹی کے ’اندر‘ ہیں یا بڑے میاں نے اپنوں کے ذریعے ’ باہر‘ کر دیا ہے۔ پاکستان میں کرپشن کا سورج طلوع کرنے والے لندن میں غروب ہو چکے ہیں۔