لاہور(نیشنل ٹائمز) قومی اسمبلی میں قائد حزب اختلاف شہباز شریف اور جے یو آئی (ف) کے سربراہ مولانا فضل الرحمان کے سیکیورٹی گارڈ آپس میں الجھ پڑے۔شہباز شریف کی عیادت کے لیے مولانا فضل الرحمان لاہور میں ان کی رہائش گاہ پہنچے تو گھر کے باہر تعینات سکیورٹی گارڈز نے فضل الرحمان کی سکیورٹی کو اندر جانے سے روک دیا جس پر فضل الرحمان کے سکیورٹی گارڈز سڑک پر کھڑے رہے۔شہبازشریف کے سیکیورٹی گارڈز کا کہنا تھا کہ انہیں مولانا فضل الرحمان کے گارڈز کو اندر بھیجنے کی ہدایت نہیں ملی، اس لئے انہیں نہیں بھیجا جاسکتا، گھر کےاندر نہ جانے کی اجازت پر مولانا فضل الرحمان کے گارڈز نے افسوس کا اظہار کیا، انہوں نے شہباز شریف کے گارڈز سے کہا کہ اگر کبھی آپ مولانا فضل الرحمان کے مہمان بنے تو ہم بھی آپ کے ساتھ ایسا ہی سلوک کریں گے۔
آپ اندر نہیں جاسکتے، مولانا فضل الرحمٰن‘ شہباز شریف سے ملنے پہنچے تو شہباز شریف کے گارڈز نے کیا سلوک کیا؟
