اسلام آباد(نیوز ڈیسک) بالی ووڈ اداکار ٹائیگر شروف نے اپنی ورزش کی معمولی سی ویڈیو شیئر کر کے مداحوں کو حیران کردیا۔اپنی ایکشن فلموں کی وجہ سے مداحوں میں مشہور ٹائیگر شروف نے ورزش تو عام لوگوں کی طرح کی لیکن انہوں نے وزن بےانتہا اٹھا رکھا تھا جسے دیکھ کر انکے مداح حیران ہوگئے اور ان کی تعریف کرنے لگے۔ٹائیگر شروف نے اپنی پوسٹ کے ساتھ بتایا کہ انہوں نے ’ڈیڈ لفٹ‘ ایکسرسائز کے لئے 220 کلو اور ’لیگ اسٹیپ اپس‘ کے لئے 120 کلو وزن اٹھایا۔ٹائیگر شروف کی اتنے زیادہ وزن کے ساتھ ورزش کی ویڈیو کو 1.3ملین سے زائد بار دیکھا گیا جب کہ ان کے اکاؤنٹ پر سیکڑوں لوگوں نے انکی تعریف کی اور حیرانی کا اظہار بھی کیا۔اداکار ماضی میں بھی کئی بار اپنی ایکسرسائز اور جمناسٹک مہارت کی ویڈیوز مداحوں کے ساتھ شیئر کر چکے ہیں۔