اسلام آباد(نیوز ڈیسک) پرتگال نے بھی کورونا ویکسین ایسٹرازینیکا کا استعمال عارضی طور پر روک دیا۔اس سے پہلے جرمنی، فرانس، اٹلی، ناروے، آئرلینڈ اور اسپین نے اسٹرازینیکا ویکسین کا استعمال روک دیا تھا۔ یورپین میڈیسن ایجنسی تمام صورتحال کا جمعرات کو جائزہ لے گی۔دوسری جانب ڈنمارک، آئس لینڈ اور اٹلی بھی ویکسین کا استعمال عارضی طور پر روک چکے ہیں۔ خون کی پھٹکیاں بننے کے واقعات 30 لاکھ میں سے 22 افراد میں سامنے آئے تھے۔ادھر عالمی ادارہ صحت کا کہنا ہے کہ آکسفورڈ کی بنائی گئی کورونا ویکسین ایسٹرازینیکا کے استعمال نہ روکیں، کیونکہ ویکسین کے استعمال سے خون میں پھٹکیاں بننے کے کوئی ثبوت نہیں ہیں۔