اسلام آباد(نیشنل ٹائمز)پاکستان پیپلز پارٹی کے مرکزی سیکریٹری اطلاعات فیصل کریم کنڈی نے وفاقی وزراءفواد چودھری اور مراد سعید کی بپریس کانفرنس پر ردعمل کا اظہار کرتے ہوئے کہا کہ آصف علی زرداری کی کردار کشی کے لئے مہم چلانے والے ماضی میں شرمسار ہوتے رہے ہیں اور آئندہ بھی ہوں گے۔ فواد چودھری اور مراد سعید جیسے طوطے عوام کو گمراہ نہیں کر سکتے۔ انہوں نے کہا کہ عوام پی ٹی آئی کے وزراءکی پریس کانفرنس دیکھنے کی بجائے کارٹون دیکھنا پسند کرتے ہیں کیونکہ وفاقی وزراءکے پاس حکومتی کارکردگی بیان کرنے کے لئے کچھ نہیں ہے۔ فیصل کریم کنڈی نے کہا کہ جب پھٹیچر وزیراعظم اور ریلو کٹے وزراءحکومت میں لائے جائیں تو ملک کا یہی حشر ہوتا ہے۔ قوم سوال کرتی ہے کہ عمران خان اقوام متحدہ کیوں نہیں گئے؟ قوم کو پتہ ہے کہ کسی بھی ملک کا سربراہ عمران خان سے ملاقات کرنے کے لئے تیار نہیں تھا۔