سیالکو ٹ (نیشنل ٹائمز ) مسلم لیگ (ن) کے مرکزی رہنما اور سابق وزیرخارجہ خواجہ محمد آصف نے کہاہے کہ سیالکوٹ لاہور موٹر وے دنیا کا بہترین باسمتی چاول پیدا کرنے والے علاقوں سے گزرتی ہے، موٹر وے کی وجہ سے زمین بہت قیمتی ہو گئی ہے ،ارباب اختیار سے درخواست ہے اس زرعی زمین کوریئل اسٹیٹ مافیا سے بچائیں اور اس علاقے کا زرعی تشخص محفوظ بنائیں۔ ہفتہ کو سماجی رابطوں کی ویب سائیٹ ٹوئٹر پر اپنے پیغام میں مسلم لیگ (ن) کے مرکزی رہنما اور سابق وزیرخارجہ خواجہ محمد آصف نے کہا کہ سیالکوٹ لاھور موٹر وے دنیا کا بہترین باسمتی چاول پیدا کرنے والے علاقوں سے گزرتی ہے دونوں طرف تاحد نظر ہریالی اور سر سبز کھیت ہیں۔موٹر وے کی وجہ سے زمین بہت قیمتی ہو گئی ہے۔ انہوں نے ارباب اختیار سے درخواست کرتے ہوئے کہاہے کہ اس زرعی زمین کوریئل اسٹیٹ مافیا سے بچائیں اور اس علاقے کا زرعی تشخص محفوظ بنائیں۔