اسلام آباد (نیشنل ٹائمز) پیپلز پارٹی کی سیکریٹری اطلاعات شازیہ مری نے کہا ہے کہ عمران نیازی کے بیانات نے ہمیں عالمی سطع پر بھی شرمندہ کیا ہے۔تفصیلات کے مطابق پیپلز پارٹی کی سیکریٹری اطلاعات شازیہ مری نے کہا ہے کہ عمران نیازی نے میڈیا کی آزادی کےحوالے سے ایک اور جھوٹ بولا ، سلیکٹڈ وزیراعظم نے میڈیا کو کنڑول کرنے میں کوئی کثر نہیں چھوڑی۔انہوں نے کہا کہ جھوٹ بول کر لوگوں کو بیوقوف بنانے والا عمران نیازی آج عوام کو رلا رہا ہے ، لوگ اب مزید اس جوکر کو براداشت نہیں کرسکتے ، سلیکٹڈ وزیراعظم کا پشتون قوم کو طالبان سے جوڑنے کا بیان افسوسناک ہے۔پیپلز پارٹی کی سیکریٹری اطلاعات شازیہ مری نے کہا ہے کہ اس سلیکٹڈ وزیراعظم کے حیران کن بیانات سے پاکستانی قوم بھی تنگ آچکی ہے ، عمران نیازی کے تین سالہ دور نے لوگوں کی چیخیں نکال دی ہیں۔اس سے قبل پیپلز پارٹی کی سیکریٹری اطلاعات شازیہ مری نے اپنے بیان میں کہا تھا کہ آج بھی حکومت قومی اسمبلی کا کورم پورا کرنے میں ناکام رہی، حکومتی ممبران بھی بری طرز حکومت سے بیزار ہیں۔شازیہ مری نے کہا تھا کہ پی ٹی آئی کے اراکین قومی اسمبلی جھوٹوں کی حکومت کو کندھا دینے کیلئے تیار نہیں، وزیراعظم کے مالی سہولت کاروں کی کرپشن پر حکومتی ممبران بھی پریشان ہیں۔پیپلز پارٹی کی سیکریٹری اطلاعات شازیہ مری نے مزید کہا تھا کہ پی ٹی آئی ممبران تین سال سے وزیراعظم کی ایک ہی تقریر سن کر بیزار ہوچکے ہیں، مہنگائی اور بیروزگاری سے ستائی ہوئی عوام کے صبر کا پیمانہ لبریز ہوچکا ہے۔