کراچی(نیشنل ٹائمز)پاکستان پیلپز پارٹی (پی پی پی) کے چیئرمین بلاول بھٹو زرداری نے کوئٹہ میں طلبا پر پولیس تشدد اور گرفتاریوں کی شدید مذمت کی ہے۔تفصیلات کے مطابق بلاول بھٹو زرداری نے کہا کہ میڈیکل ٹیسٹ میں بے ضابطگیوں کے خلاف پرامن احتجاج کرنے والے طلبہ و طالبات پر تشدد فاشزم کی بدترین مثال ہے، ایسا لگتا ہے کہ جیسے حکمرانوں نے بلوچستان کے طلبہ و طالبات کے خلاف جنگ چھیڑ رکھی ہے۔چیئرمین بلاول بھٹو زرداری کا کہنا تھا کہ سلیکٹڈ حکمرانوں کی جانب سے ہر اختلافی آواز کے خلاف طاقت کا استعمال معاشرے میں عدم برداشت کو تقویت دے رہا ہے۔پاکستان پیلپز پارٹی (پی پی پی) کے چیئرمین بلاول بھٹو زرداری کا کہنا تھا کہ گرفتار طلبہ کو بلاتاخیر رہا کیا جائے اور ان کے جائز مطالبات تسلیم کیئے جائیں، سلیکٹڈ حکمران معصوم طلبہ و طالبات کو تشدد کا نشانہ بنانے پر قوم سے معافی مانگیں۔