اسلام آباد(نیشنل ٹائمز) سابق صدر آصف علی زرداری نے احتساب عدالت میں بریت کی درخواست دائر کردی توشہ خانہ ریفرنس میں آصف زرداری نے فاروق نائیک کے ذریعے درخواست دائر کی جس میں کہا گیا کہ عدالت میں اب تک پیش نیب گواہان نے آصف زرداری پر کوئی الزام نہیں لگایا، 43گواہان میں سے 21 کو نیب نے احتساب عدالت پیش کیا اور ریفرنس کے ذریعے سیاسی انتقام کا نشانہ بنایا، توشہ خانہ ریفرنس میں نیب کے الزامات بے بنیاد ہیں۔درخواست میں استدعا کی گئی کہ احتساب عدالت توشہ خانہ ریفرنس میں بری کرے، ماضی میں بھی انتقام کا نشانہ بنایا گیا اور جیلوں میں بھجوایا گیا، لیکن ایسے انتقامی کیسز میں بری ہوا، نیب ریفرنس میں میرے خلاف الزامات ثابت کرنے میں ناکام رہا۔توشہ خانہ ریفرنس کی سماعت روکنے کیلئے درخواستآصف زرداری نے احتساب عدالت میں توشہ خانہ ریفرنس کی سماعت روکنے کی درخواست بھی دائر کر دی۔ درخواست میں استدعا کی گئی کہ عدالت بریت کی درخواست پر فیصلہ ہونے تک سماعت آگے نہ بڑھائے، سماعت چلائی گئی تو قانون کے انخراف ہو گا، احتساب عدالت پہلے بریت کی درخواست پر فیصلہ کرے۔