فیصل آباد۔(نیشنل ٹائمز) فیصل آباد میں اربوں روپے کی لاگت سے مشرقی حصے میں ویسٹ واٹر ٹریٹمنٹ پلانٹ لگانے کا فیصلہ کیاگیا ہے جس سے فیصل آباد کے ماحولیاتی مسائل حل ہو سکیں گے جبکہ اس سلسلہ میں گرانٹ ایشیائی ترقیاتی بینک فراہم کرے گا۔منیجنگ ڈائریکٹر واٹر اینڈ سینی ٹیشن ایجنسی فیصل آباد جبار انور چوہدری نے ایک ملاقات کے دوران بتایا کہ ایشیائی ترقیاتی بینک کے اس پروگرام کے 4 مراحل ہوں گے جس میں ویسٹ واٹر ٹریٹمنٹ پلانٹ کی تنصیب،شہر کی بیوٹیفکیشن اینڈ ہارٹیکلچر،متعلقہ افسران اور سٹاف کی کپیسٹی بلڈنگ اور انوائرمنٹ پروٹیکشن کی امپروومنٹ شامل ہے۔انہوں نے کہا کہ ایشیائی ترقیاتی بینک کے اس میگا پراجیکٹ کے تحت جو ویسٹ واٹر ٹریٹمنٹ پلانٹ لگایا جائے گا اسے چلانا واسا کی ذمہ داری ہو گی جس کے ساتھ ساتھ زرعی ریسرچ فارم بنائے جائیں گے اورکھرڑیانوالہ انڈسٹری کو اس ویسٹ واٹر ٹریٹمنٹ پلانٹ کے ساتھ منسلک کیا جائے گا۔انہوں نے کہا کہ اس میگا پراجیکٹ کی تکمیل سے فیصل آباد میں ماحولیاتی مسائل حل ہو سکیں گے۔