لاہور(نیشنل ٹائمز)عمران خان کی ہمشیرہ نورین نیازی کو پنجاب انسٹیٹیوٹ آف کارڈیالوجی (پی آئی سی) ہسپتال سے کوٹ لکھپت جیل منتقل کردیا گیا۔
انہیں طبیعت خراب ہونے اور بلڈ پریشر بڑھنے پر ہسپتال منتقل کیا گیا تھا، ہسپتال میں ان کا ٹروپونن ٹی ٹیسٹ کیا گیا، جو دل کے دورے کی تشخیص میں مدد دیتا ہے ، تاہم اس کے نتائج نارمل آئے ۔ اس کے علاوہ ان کی ای سی جی سمیت دیگر طبی جانچ بھی کی گئی، جس کے نتائج تسلی بخش رہے ۔ ہسپتال انتظامیہ کے مطابق نورین نیازی کا بلڈ پریشر ادویات کے ذریعے کنٹرول کرلیا گیا تھا اور ان کی طبیعت مستحکم تھی۔
