بیجنگ (شِنہوا) چین کی وزارت خارجہ کی ترجمان نے کہا ہے کہ چین اور بھارت نئی دہلی میں آئندہ 18 ویں برکس سربراہ اجلاس کے دوران صدر شی جن پھنگ اور بھارتی وزیراعظم نریندر مودی کے درمیان ملاقات کے لئے انتظامات کر رہے ہیں۔
ترجمان ماؤ ننگ نے جمعہ کو معمول کی پریس بریفنگ میں کہا کہ کازان اور تیانجن میں ہونے والی ملاقاتوں کے بعد یہ مسلسل تیسرا سال ہوگا جب شی جن پھنگ اور نریندر مودی کی ملاقات ہوگی۔
انہوں نے کہا کہ چین بھارت کے ساتھ مل کر دونوں رہنماؤں کی سٹریٹجک رہنمائی پر عمل کرنے، دوطرفہ تعلقات کو سٹریٹجک اور طویل مدتی نقطہ نظر سے دیکھنے، رابطے مضبوط بنانے، تعاون کو وسعت دینے اور اختلافات کو مناسب طریقے سے نمٹنے کے لئے تیار ہے تاکہ دونوں ممالک اچھے ہمسایہ دوست اور ایسے شراکت دار بن سکیں جو ایک دوسرے کی کامیابی میں معاونت کریں۔