تہران(نیشنل ٹائمز) ایران کی پارلیمنٹ کے سپیکر محمد باقر قالیباف نے کہا ہے کہ واشنگٹن کی جانب سے مارکیٹ میں مداخلت اور تیل کے سٹریٹجک ذخائر جاری کرنے سمیت مختلف اقدامات قیمتوں میں اضافے کو روکنے میں ناکام رہے ہیں۔
محمد باقر قالیباف نے سوشل میڈیا پلیٹ فارم ایکس پر عالمی منڈی میں تیل کی بڑھتی قیمتوں کو روکنے کیلئے امریکا کی کوششوں کا مذاق اڑاتے ہوئے کہا کہ امریکی محکمہ خزانہ تیل کی قیمتیں کم کرنے کیلئے اپنے پاس موجود اقدامات ایک ایک کر کے استعمال کرے گا تاہم ان کوششوں کے باوجود خام تیل کی قیمتوں میں اضافے کا رجحان تبدیل نہیں ہوگا۔
انہوں نے کہا کہ واشنگٹن کے ہتھیاروں میں ایگزیوس کے ذریعے مبینہ گمراہ کن رپورٹس، مارکیٹ میں مداخلت، سٹریٹجک تیل کے ذخائر کا اجرا اور دیگر اقدامات شامل ہیں۔
انہوں مزید کہا کہ امریکا ان تمام طریقوں کو آزمانے کے باوجود تیل کی قیمتوں میں اضافے کو واپس نہیں لا سکے گا، آئندہ تیل کی قیمتوں میں کیا ہونے والا ہے، ایسے ظاہر کریں جیسے آپ کو معلوم ہی نہیں۔
