اسلام آباد(نیشنل ٹائمز) حکومت نے پیٹرولیم مصنوعات کی قیمتوں میں ایک بار پھر اضافہ کردیا، جس کے بعد ڈیزل کی فی لیٹر قیمت 400 روپے کی حد عبور کرتے ہوئے 403 روپے 32 پیسے ہوگئی۔حکومت کی جانب سے جاری نوٹیفکیشن کے مطابق پیٹرول کی قیمت میں 5 روپے 2 پیسے فی لیٹر اضافہ کیا گیا ہے، جس کے بعد نئی قیمت 375 روپے 82 پیسے فی لیٹر مقرر کردی گئی۔ڈیزل کی قیمت میں بھی 5 روپے 28 پیسے فی لیٹر اضافہ کیا گیا ہے، جس کے بعد ڈیزل 403 روپے 32 پیسے فی لیٹر میں دستیاب ہوگا۔نوٹیفکیشن کے مطابق پیٹرول اور ڈیزل کی نئی قیمتیں 12 ستمبر سے نافذ العمل ہوں گی۔