اسلام آباد(آئی این پی)مرکزی اطلاعات سیکریٹری پاکستان پیپلز پارٹی پارلیمنٹیرینز و رکن قومی اسمبلی شازیہ عطا مری نے کہا ہے کہ پیپلزپارٹی کے جیالے ایل اے 16 پر اپنی فتح کو برقرار رکھنے کیلئے پرعزم رہیں اور آزاد کشمیر کے جیالے ووٹ پر ڈاکہ مارنے کی کسی اجازت نہیں دینگے۔ ان باتوں کا اظہار آج انہوں نے اپنے ایک جاری کردہ بیان میں کیا ہے۔ مرکزی اطلاعات سیکریٹری پاکستان پیپلز پارٹی پارلیمنٹیرینز نے اپنے بیان میں کہا کہ پیپلزپارٹی کے سردار قمرالزمان انتخاب جیت چکے ہیں اور صرف پیپلزپارٹی کے امیدوار کا نتیجہ روکنا حلقے کے عوام کی توہین ہے جس کی ہم پر زور مذمت کرتے ہیں۔انہوں نے مزید کہا کہ پیپلز پارٹی کے جیالے ووٹروں کے ساتھ چاروں پولنگ سٹیشن پر پہرہ دینگے اور کہا کہ انتخابی عملہ اور انتظامیہ خود کو غیرجانبدار رکھیں۔