اسلام آباد(نیشنل ٹائمز) پولیس کے مطابق فائرنگ کا واقعہ اوچت کے قریب پیش آیا جس میں کرم کے لیے روانہ قافلے کا ایک ٹرک ڈرائیور زخمی ہو گیا۔پولیس کا کہنا ہے کہ 64 گاڑیوں کا قافلہ ٹل سے کرم کے لیے سامان لیکر روانہ ہوا تھا، تاہم لوئر کرم میں فائرنگ کے واقعے کے بعد کچھ گاڑیوں کے مالکان واپس ہنگو کے لیے روانہ ہو گئے جبکہ کئی گاڑیاں اوچت کے مقام پر پھنس گئی ہیں۔پولیس کے مطابق قافلے پر فائرنگ سے زخمی ڈرائیور کو اسپتال منتقل کر دیا گیا ہے جبکہ زخمی ڈرائیور اکرم خان کا کہنا ہے کہ میڈیسن سے بھرے ٹرک کو لوٹ بھی لیا گیا۔یاد رہے کہ اس سے قبل بھی کرم میں فائرنگ کے واقعات میں متعدد پولیس اہلکاروں اور عام شہریوں کی ہلاکت کے باعث امدادی قافلوں کی پارا چنار فراہمی معطل ہو چکی ہے۔
لوئر کرم میں فائرنگ سے ٹرک ڈرائیور زخمی، ادویات سے بھرا ٹرک لوٹ لیا گیا
