ریفرنڈم کی آئین میں کوئی قانونی حیثیت نہیں ،صوبائی اسمبلی فیصلہ سنا چکی:سندھ حکومت

کراچی (نیشنل ٹائمز)سندھ کے سینئر وزیر شرجیل انعام میمن نے کہا ہے کہ آئین کے تحت نئے صوبے کا قیام متعلقہ  صوبائی اسمبلی کی اکثریت سے ہی ممکن ہے ، ریفرنڈم کی کوئی قانونی حیثیت نہیں، سندھ اسمبلی اس معاملے پر فیصلہ سنا چکی ہے ۔ ایم کیو ایم کو کراچی میں دوبارہ خوف اور دہشت کی سیاست نہیں کرنے دیں گے ۔ حکومت سندھ ترقیاتی کاموں میں سب سے آگے ہے جبکہ فارم 47 کی پیداوار جماعتیں عوام کو گمراہ کر رہی ہیں۔پریس کانفرنس سے خطاب کرتے ہوئے انہوں نے کہا کہ سندھ حکومت نے سیلاب متاثرین کیلئے 10 لاکھ سے زائد گھر مکمل کر لیے ہیں جبکہ مزید 7 لاکھ گھروں پر کام جاری ہے ۔ یہ چیئرمین بلاول بھٹو زرداری کا وژن تھا۔ صوبے میں 205 کلومیٹر حفاظتی پشتے تعمیر کیے گئے اور 12 اضلاع میں ایک لاکھ 57 ہزار ہیکٹر زرعی زمین دوبارہ قابل کاشت بنائی گئی۔ منچھر جھیل کا 30 کلومیٹر طویل حفاظتی بند بھی تعمیر کیا گیا۔ 2027ء تک سندھ کے تمام بیراج جدید خودکار نظام پر منتقل کرنے کا ہدف ہے ، دوسرے صوبے بھی سندھ حکومت کے ترقیاتی منصوبوں سے استفادہ کرنا چاہتے ہیں۔

ایم کیو ایم بلدیاتی انتخابات سے بھاگ گئی تھی، کراچی کے اداروں کو ماضی میں تباہ کیا گیا اور ایک ہی ملازم کو مختلف اداروں سے تنخواہیں دی جاتی تھیں۔ پیپلز پارٹی کا مینڈیٹ واضح ہے ، ایم کیو ایم جتنی نشستوں پر چاہے انتخابات لڑ کر دکھائے ۔انہوں نے کہا کہ ایم کیو ایم دوبارہ خوف اور دہشت کی سیاست کرنا چاہتی ہے ، لیکن کراچی کا امن خراب کرنے کی اجازت نہیں دیں گے ۔ ماضی میں سانحہ 12 مئی جیسے واقعات کا دفاع کیا جاتا رہا۔ نئے صوبوں کے قیام سے متعلق سوال پر انہوں نے کہا کہ آئین میں طریقہ کار واضح ہے ، متعلقہ صوبائی اسمبلی کی اکثریت کے بغیر نیا صوبہ نہیں بن سکتا۔ کوئی جماعت سو مرتبہ بھی ریفرنڈم کرا لے ، اس کی آئینی حیثیت نہیں ہوگی۔ سندھ اسمبلی میں اس معاملے پر مختلف آرا سامنے آئیں، تاہم فیصلہ پہلے ہی ہو چکا ہے ۔ وفاقی وزیر کو اپنی رائے دینے کا حق ہے ، قومی اسمبلی میں بل آیا تو صورتحال واضح ہو جائے گی۔شرجیل میمن نے کہا کہ جلسے کیلئے ہر جماعت کو حکومت سے اجازت لینا ہوگی۔ جی ڈی اے سمیت کسی سیاسی جماعت کے خلاف انتقامی کارروائی نہیں کی گئی ، کسی کے نقطہ نظر سے اختلاف کا مطلب یہ نہیں کہ اس کے خلاف کفر کے فتوے جاری کیے جائیں۔ ایم کیو ایم رہنماؤں سے ذاتی دوستی اپنی جگہ، تاہم سیاسی مؤقف الگ ہیں۔



  تازہ ترین   
سسٹم کو سیاسی ری سیٹ کی ضرورت، انتقامی کارروائیاں بند، قیدی آزاد کرنا پڑیں گے: بلاول بھٹو
کمانڈر ترک فضائیہ کی فیلڈ مارشل سے ملاقات، علاقائی امن کیلئے پاکستان کی خدمات کا اعتراف
پاکستان اور ترکمانستان کی وزارت خارجہ کے درمیان تعاون کے پروگرام پر دستخط
فیلڈ مارشل سے ایرانی وزیر خارجہ کی ملاقات، خطے کی صورتحال پر غور
ٹرمپ کا تھائی لینڈ سے بڑا تجارتی معاہدہ، امریکی برآمدات پر تمام ٹیرف ختم کرنے کا اعلان
ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت
چین سے ایران کا تیل خریدنا بند کرنے کا مطالبہ کریں گے؟ ٹرمپ کا بتانے سے انکار
پاکستان پُرامن و مستحکم افغانستان کا خواہاں، سکیورٹی خدشات دور کریں: اسحاق ڈار





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر