عدم برداشت، انتہا پسندی اور نفرت کا بڑھتا رجحان جمہوریت اور انسانی وقار کے لیے سنگین خطرہ ہے، بلاول بھٹو زرداری

کراچی / اسلام آباد / لاہور (نیشنل ٹائمز) پاکستان پیپلز پارٹی کے چیئرمین بلاول بھٹو زرداری نے برداشت کے عالمی دن کے موقع پر اپنے پیغام میں کہا ہے کہ عدم برداشت، انتہا پسندی اور نفرت کا بڑھتا ہوا رجحان جمہوریت، سماجی ہم آہنگی اور انسانی وقار کے لیے سنگین خطرہ ہے۔

میڈیا سیل بلاول ہاؤس سے جاری کردہ پریس ریلیز کے مطابق بلاول بھٹو زرداری نے کہا کہ سیاسی جبر، جمہوری عمل میں رکاوٹیں اور معاشرتی سطح پر پائی جانے والی ناامیدی ایسے حالات پیدا کرتی ہیں جن میں انتہا پسندی اور تشدد کو فروغ ملتا ہے۔

انہوں نے کہا کہ شہید محترمہ بینظیر بھٹو کا فکری مؤقف آج بھی رہنمائی فراہم کرتا ہے کہ آمریت قانون کی حکمرانی کو کمزور کرکے طاقت اور اسلحے کی ثقافت کو فروغ دیتی ہے، جبکہ پُرامن سیاسی شرکت کے راستے مسدود کرنے سے بالخصوص نوجوانوں میں محرومی اور مایوسی جنم لیتی ہے۔

بلاول بھٹو زرداری نے کہا کہ انتہا پسندی کا مؤثر مقابلہ جمہوری آزادیوں، قانون کی بالادستی، سماجی انصاف اور نوجوانوں کو قومی دھارے میں بامعنی شرکت کے مواقع فراہم کرکے ہی ممکن ہے۔

انہوں نے کہا کہ دنیا بھر میں جنگوں، علاقائی کشیدگی، مذہبی منافرت اور نسل پرستی کے بڑھتے ہوئے رجحانات اس امر کے متقاضی ہیں کہ تصادم کے بجائے مکالمے، نفرت کے بجائے رواداری اور طاقت کے بجائے انصاف و سفارت کاری کو فروغ دیا جائے۔

پی پی پی چیئرمین نے کہا کہ بھارتی غیرقانونی زیر تسلط جموں و کشمیر اور فلسطین سمیت تنازعات سے متاثرہ خطوں میں انسانی حقوق کا تحفظ اور پائیدار امن کا قیام عالمی برادری کی مشترکہ ذمہ داری ہے۔

انہوں نے کہا کہ پاکستان پیپلز پارٹی کی تاریخ جمہوریت، آئین، انسانی حقوق اور سیاسی رواداری کی جدوجہد سے عبارت ہے۔ بلاول بھٹو زرداری نے اس عزم کا اعادہ کیا کہ پیپلز پارٹی ایک پُرامن، روادار، منصفانہ اور جمہوری معاشرے کے قیام کے لیے اپنی جدوجہد جاری رکھے گی۔



  تازہ ترین   
صدر مملکت آصف علی زرداری کا فلسطینی ریاست کے قیام کے لیے پاکستان کی غیرمتزلزل حمایت کا اعادہ
ای سی او وزرائے خارجہ کونسل کا اسلام آباد میں اجلاس، وژن 2035 کی منظوری متوقع
مکہ اور مدینہ کی جانب بھیجے گئے حوثیوں کے 4 ڈرونز تباہ کر دیے، ترکی المالکی
امریکا میں فضائی آپریشن تیسرے روز بھی متاثر، 5 ہزار سے زائد پروازیں منسوخ یا تاخیر کا شکار
بحرین پر ایرانی ڈرون حملوں کی کوششیں تیز، خطے میں بڑے فوجی تصادم کا خدشہ بڑھ گیا
روسی فضائی دفاع نے 24 گھنٹوں میں یوکرین کے 1065 ڈرون مار گرائے
ہم حالت جنگ میں ہیں، دشمن ملک میں مسائل پیدا کرنے کی کوشش کر رہا ہے: ایرانی صدر
نئے صوبوں پر اتفاق رائے کی کوششیں جاری، نئے سال میں نیا نظام آسکتا ہے، خواجہ آصف





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر