اسلام آباد(نیشنل ٹائمز)پاکستان نے حوثی ملیشیا کے سعودی عرب پر حملوں کی شدید مذمت کرتے ہوئے سعودی عرب سے مکمل یکجہتی کا اظہار کیا۔
ترجمان دفتر خارجہ سجاد حیدر خان کا کہنا ہے خطے میں امن اور استحکام چاہتے ہیں، آر فور ممالک کے وزرائے خارجہ کا اجلاس استنبول میں ہوا، علاقائی تنازعات کو مذاکرات اور سفارتکاری سے حل کرنے پر زور دیا گیا، فلسطین، یمن اور ایران تنازع پر تبادلہ خیال کیا گیا۔
انہوں نے کہا کہ آبنائے ہرمز کی صورتحال پر بھی بات چیت کی گئی، وزرائے خارجہ نے آزاد و خود مختار فلسطینی ریاست کے مؤقف کا اعادہ کیا۔
