بیجنگ (شِنہوا) چینی وزارت خارجہ کے ترجمان گو جیاکن نے کہا ہے کہ چین جی 20 کے تحت ہونے والی متعلقہ سرگرمیوں میں جنوبی افریقہ کی مسلسل شرکت کی حمایت کرتا ہے۔
گو نے یہ بات جمعہ کے روز معمول کی پریس بریفنگ کے دوران ایک سوال کے جواب میں کہی۔ ان سے امریکہ کے شہر اٹلانٹا میں منعقد ہونے والے جی 20 وزرائے خارجہ کے اجلاس میں جنوبی افریقہ کو دعوت نہ دیئے جانے کے بارے میں سوال کیا گیا تھا۔
گو نے کہا کہ جی 20 بین الاقوامی اقتصادی تعاون کا ایک اہم ترین فورم ہے اور کثیرالجہتی نظام کو آگے بڑھانے، عالمی اقتصادی ترقی کے فروغ اور عالمی طرز حکمرانی کو بہتر بنانے میں اہم کردار ادا کرتا ہے۔
جنوبی افریقہ کو جی 20 کا ایک اہم رکن قرار دیتے ہوئے گو نے کہا کہ چین جی 20 کے تحت ہونے والی متعلقہ سرگرمیوں میں جنوبی افریقہ کی مسلسل شرکت کی حمایت کرتا ہے۔