اسلام آباد(نیشنل ٹائمز) مسلم لیگ(ن )نےوزیراعظم آزادکشمیر کیلئے نام فائنل کرلیا۔

تفصیلات کے مطابق مسلم لیگ (ن) نے بیرسٹر افتخار گیلانی کا نام وزیراعظم آزاد کشمیر کے لیے فائنل کرلیا۔ آزاد کشمیر قانون ساز اسمبلی میں وزیراعظم کا انتخاب 28 اگست کو ہوگا۔

’’جیو نیوز ‘‘ نے ذرائع کے حوالے سے بتایا ہے کہ وزیراعظم ہاؤس میں آزادکشمیر میں حکومت سازی کے حوالے سے اہم مشاورتی اجلاس ہوا۔اجلاس میں حکومت سازی کے آئندہ کےلائحہ عمل اور دیگر امورپربھی غورکیا گیا۔

ملتان: ریلوے لائن عبور کرتے نامعلوم شخص ٹرین کی زد میں آکر جاں بحق
اجلاس میں رانا ثنااللہ، خواجہ سعد رفیق، شاہ غلام قادر، راجہ فاروق حیدر، نومنتخب سپیکر چوہدری طارق فاروق، ڈپٹی سپیکر احمد رضا قادری اور بیرسٹرافتخارگیلانی سمیت دیگر رہنما شریک ہوئے۔

اجلاس میں آزادکشمیر میں حکومت سازی پرتفصیلی مشاورت ہوئی اور مسلم لیگ (ن )کی نئی حکومت کے قیام پر اہم فیصلے کیےگئے۔ بیرسٹر افتخار گیلانی کا نام وزیراعظم آزاد کشمیر کے لیے فائنل کردیا گیا ہے۔بیرسٹر افتخار گیلانی ٹیکنوکریٹ نشست پر منتخب ہوئے ہیں۔