تہران(نیشنل ٹائمز) ایران کے صدر مسعود پزشکیان نے کہا ہے کہ سپریم لیڈر آیت اللہ علی خامنہ ای کا دانشمندانہ اور قومی اتحاد کو فروغ دینے والا پیغام قومی مفادات کے تحفظ اور ایران کی عزت و وقار کیلئے سب سے اہم سرمایہ ہے۔
صدر پزشکیان نے اپنے بیان میں کہا کہ موجودہ تاریخی مرحلے پر قومی اتحاد کے تقاضوں پر عمل کرنا اور اختلافات و تقسیم سے گریز کرنا ہی کامیابی کی کنجی ہے۔
انہوں نے اس بات پر زور دیا کہ قومی یکجہتی کو برقرار رکھتے ہوئے باہمی ہم آہنگی کو فروغ دینا ایران کے مفادات کے تحفظ اور موجودہ چیلنجز سے نمٹنے کیلئے ناگزیر ہے۔
خیال رہے کہ سپریم لیڈر مجتبیٰ خامنہ ای نے ایرانی قوم کے نام اپنے پیغام میں کہا ہے کہ امریکا نے مفاہمتی یادداشت کی بار بار خلاف ورزی کی، جس سے ثابت ہو گیا کہ امریکی صدر کے دستخط کی کوئی حیثیت نہیں۔
مجتبیٰ خامنہ ای نے کہا کہ ایرانی قوم نے شہید ایران کو الوداع کہہ کر نئی تاریخ رقم کر دی، جبکہ شہدا کی تقریبات میں عوام کی بے مثال شرکت قومی وحدت اور یکجہتی کا مظہر ہے۔
