اسلام آباد(نیشنل ٹائمز) پاکستان میں ایران کے سفیر رضا امیری مقدم نے کہا ہے کہ امریکی صدر ڈونلڈ ٹرمپ نے 2 اہم سفارتی کامیابیوں کو تباہ کر دیا، اس کے باوجود وہ امن کی بات کرتے ہیں۔

سماجی رابطے کی ویب سائٹ ایکس پر اپنے بیان میں رضا امیری مقدم نے کہا کہ ڈونلڈ ٹرمپ نے 2018ء میں اقتدار سنبھالنے کے بعد اوباما کے دور میں طے پانے والے ایران کے جوہری معاہدے کو ختم کر دیا تھا۔

انہوں نے کہا کہ ٹرمپ نے اب من مانی تشریح اور بدنیتی کی بنیاد پر دستخط کے 20 دن سے بھی کم عرصے میں اسلام آباد مفاہمتی یادداشت کو بھی ختم کر دیا ہے۔

رضا امیری مقدم کا کہنا تھا کہ امریکا نے مفاہمتی یادداشت کی شرائط کے برعکس دوبارہ جنگ شروع کی، آبنائے ہرمز پر قبضہ ایم او یو کی خلاف ورزی ہے۔

ان کا مزید کہنا تھا کہ امریکا نے بین الاقوامی اصول پامال کیے، عالمی برادری کو امریکی اقدامات کی مذمت کرنی چاہیے۔