بیجنگ (شِنہوا) چین کی ریاستی انتظامیہ برائے مارکیٹ ریگولیشن نے نجی معیشت کی ترقی کے لئے 2026 کا عملی منصوبہ جاری کیا ہے جس میں 34 اہم امور کا خاکہ پیش کیا گیا ہے۔ اس منصوبے کا مقصد زیادہ منصفانہ مارکیٹ ماحول پیدا کرنا اور ضابطہ کاری خدمات کو بہتر بنانا ہے۔
اس منصوبے میں معیاری ضابطہ کاری اور ترقی کے فروغ پر یکساں زور دیا گیا ہے اور یہ عہد کیا گیا ہے کہ منصفانہ مقابلے کی فضا کو پروان چڑھانے، ضابطہ کاری کے طریقوں میں اختراع لانے اور نجی شعبے کی اعلیٰ معیاری ترقی میں مدد کے لئے خدمات کو مضبوط بنانے کی کوششیں کی جائیں گی۔
منصوبےکے مطابق قانونی اور پالیسی تحفظات کو مزید مضبوط بنانے کے لئے مارکیٹ ضابطہ کار منصفانہ مقابلے کے قانونی فریم ورک اور کاروباری اداروں سے متعلق چارجز کی نگرانی کے نظام کو بہتر بنائیں گے۔ کریڈٹ پر مبنی مراعات کو وسعت دینے، تکنیکی تجارتی معاونت کو مضبوط بنانے اور انفرادی کاروباروں کے لئے پالیسی اقدامات کو بہتر بنانے کی کوششیں بھی کی جائیں گی۔
ضابطہ کار نے مارکیٹ میں منصفانہ نظم و ضبط کو برقرار رکھنے کے اقدامات پر بھی روشنی ڈالی ہے جس میں رکاوٹوں کو دور کرنا، ایک یکساں قومی مارکیٹ کی تعمیر کو آگے بڑھانا، اینٹی ٹرسٹ قوانین پر عملدرآمد کی رہنمائی کو مضبوط کرنا اور اندھی دوڑ کی روک تھام کرناشامل ہے۔