پی ایس ایل 11 کا فائنل: ٹیم اور فرنچائز کو کتنا انعام ملے گا؟

لاہور(نیشنل ٹائمز) پاکستان سپر لیگ (پی ایس ایل) سیزن 11 کے لیے انعامی رقم کا باضابطہ اعلان کردیا گیا ۔

پاکستان کرکٹ بورڈ (پی سی بی) کے مطابق فاتح ٹیم کے لیے انعامی رقم 5 لاکھ ڈالر مقرر کی گئی ہے جب کہ رنر اپ ٹیم کو 2 لاکھ ڈالر دیے جائیں گے۔

پی ایس ایل 11 کا فائنل اتوار کے روز پشاور زلمی اور حیدرآباد کنگز کے درمیان قذافی سٹیڈیم لاہور میں کھیلا جائے گا، پشاور زلمی 2018، 2019 اور 2021 کے سیزنز میں رنر اپ رہی، زلمی انتظامیہ اور شائقین کو اس بار ٹائٹل جیتنے کی امید ہے۔

شائقین کرکٹ کو شام 6 بجے تک سٹیڈیم پہنچنے کی ہدایت کی گئی ہے جب کہ پی ایس ایل کی تاریخ میں پہلی مرتبہ فرنچائزز کے لیے الگ انعامی رقم مقرر کردی گئی۔

اِسی طرح بہترین پلیئر ڈیویلپمنٹ پروگرام رکھنے والی فرنچائز کو 2 لاکھ امریکی ڈالر سے نوازا جائے گا اور جیتنے والی ٹیم کے کھلاڑیوں کے لیے بھی 5 لاکھ امریکی ڈالر کی خصوصی انعامی رقم مختص کی۔

میچ کی خاص بات یہ بھی ہے کہ قذافی سٹیڈیم لاہور میں فائنل کے تمام ٹکٹس فروخت ہوچکی ہیں۔

میوزیکل کنسرٹ

دوسری جانب پاکستان سپر لیگ (پی ایس ایل) 11 کے فائنل کے لیے تیاریاں عروج پر پہنچ گئیں، اتوار کو میچ سے قبل عظیم الشان اختتامی تقریب منعقد کی جائےگی۔

اختتامی تقریب میں معروف گلوکار عاطف اسلم، علی عظمت، عارف لوہار، آئمہ بیگ اور صابری سسٹرز اپنی شاندار پرفارمنس پیش کریں گے، رنگا رنگ تقریب کے دوران آتش بازی کا خوبصورت مظاہرہ بھی کیا جائے گا۔

میچ آفیشلز

علاوہ ازیں پاکستان کرکٹ بورڈ نے پی ایس ایل فائنل کے میچ آفیشلز کا اعلان کر دیا، پاکستان کے احسن رضا اور کرسٹوفر جفانے فیلڈ امپائر کے فرائض سرانجام دیں گے، الیگزینڈر وارف تھرڈ جبکہ آصف یعقوب فورتھ امپائر کے فرائض انجام دیں گے ،سری لنکا کے روشن ماہنامہ میچ ریفری ہوں گے۔



  تازہ ترین   
امریکی ایوان نمائندگان میں وزیر جنگ پیٹ ہیگسیتھ کیخلاف مواخذے کی قرارداد مسترد
پیٹ ہیگسیتھ کے مواخذے کی ڈیموکریٹس کی کوشش بری طرح ناکام ہوگئی: امریکی صدر
عمران خان کا پمز ہسپتال میں طبی معائنہ، علاج کے بعد اڈیالہ جیل منتقل
گرپتونت پنوں قتل سازش کیس، امریکی عدالت کا مودی حکومت کو باضابطہ نوٹس
چشمہ 5 منصوبے نے مقررہ وقت سے پہلے اہم سنگ میل عبور کرلیا: وزیراعظم
آئزن کوٹ کی نیتن یاہو کی اسرائیلی پارلیمنٹ میں تقریر پر سخت تنقید، شرمناک قرار دیدی
واشنگٹن نے کوئی غلط اندازہ لگایا تو ایران کا جواب فوری اور جارحانہ ہوگا، قالیباف
بانی پی ٹی آئی اور وکلاء کی ملاقات کل سہ پہر تین بجے ہوگی: ذرائع کا دعویٰ





  ملتی میڈیا   
بلاول بھٹو زرداری کا خصوصی انٹرویو: “جنگ کا کوئی فائدہ نہیں، مذاکرات کا راستہ اختیار کریں”
پاکستان نیوی کے چیف نے نویں کثیر القومی بحری مشق “امن” میں شریک غیر ملکی جہازوں کا دورہ کیا۔ | آئی ایس پی آر
وزیرِ اعظم شہباز شریف کا خطاب | “بریتھ پاکستان” عالمی ماحولیاتی کانفرنس 07-02-2025
آرمی چیف نے مظفرآباد کا دورہ کیا، جہاں انہوں نے شہداء کی قربانیوں کو خراجِ تحسین پیش کیا۔ | آئی ایس پی آر
کشمیر ایک زخم | یومِ یکجہتی کشمیر | 5 فروری 2025 | آئی ایس پی آر