واشنگٹن (شِنہوا) امریکی صدر ڈونلڈ ٹرمپ نے ایران میں امریکی فوجی کارروائی کو بیک وقت ایک جنگ اور مختصر مدت کی مہم قرار دیا جس سے حملوں کے خاتمے کے وقت کے بارے میں متضاد پیغامات سامنے آئے ہیں۔
امریکی ریاست اوہائیو میں صدر کے ہمراہ سفر کرنے والے ایک رپورٹر نے ان سے سوال کیا کہ ’’آپ نے ابھی اسے ایک چھوٹی سی مہم کہا اور پھر آپ نے اسے جنگ بھی کہا۔ تو اصل میں یہ کیا ہے؟ ‘‘
ٹرمپ نے جواب دیا کہ “دیکھیں، یہ دونوں ہی ہیں۔ یہ ایک ایسی مہم ہے جو ہمیں جنگ سے دور رکھے گی اور جنگ تو یہ ہے ہی، میرا مطلب ہے کہ ان (ایرانیوں) کے لئے تو یہ ایک جنگ ہی ہے۔”
ایوان نمائندگان کے ریپبلکن اراکین سے خطاب کرتے ہوئے ٹرمپ نے ایران کے خلاف فوجی آپریشن کو “مختصر مدتی مہم” قرار دیا جبکہ بعد میں “حتمی فتح حاصل کرنے کے لئے پہلے سے کہیں زیادہ عزم کے ساتھ آگے بڑھنے” کا عہد بھی کیا۔ انہوں نے ایران سے “غیر مشروط ہتھیار ڈالنے” کا مطالبہ بھی کر رکھا ہے۔