اسلام آباد(نیشنل ٹائمز)سندھ ہائیکورٹ نے جامعہ کراچی کے قائم مقام وائس چانسلر کے عہدے پر سینئر ترین ڈین ڈاکٹر ناصرہ خاتون کو مقرر کردیا۔عدالت نے خالد عراقی کو جامعہ کراچی کے وائس چانسلر کے عہدے سے ہٹا دیاسیکشن افسر کمال احمد کے مطابق خالد عراقی اب جامعہ کراچی کے وائس چانسلر نہیں رہے کیونکہ عدالت نے سینئر ترین پروفیسر کو خالد عراقی کی جگہ قائم مقام وائس چانسلر لگانے کی ہدایت کی ہے۔خالد عراقی کو 15 مئی 2019 میں ڈاکٹر اجمل کی جگہ قائم مقائم وائس چانسلر مقرر کیا گیا تھا۔ناصرہ خاتون اس وقت جامعہ کراچی کی ڈین آف سائنس ہیں اور سینیارٹی میں ان کا پہلا نمبر ہے۔اس سےقبل سندھ ہائی کورٹ نے قائم مقام وائس چانسلر جامعہ کراچی خالد عراقی کو عہدے سے ہٹانے اور 26 جنوری 2022 کے بعد ان کی جانب سے کیے گئے تمام فیصلے کالعدم قرار دینے کا حکم دیا تھا۔