اسلام آباد (نیشنل ٹائمز)یوکرین کے صدر ولادومیر زیلنسکی کی فوجی لباس پہنے تصاویر سوشل میڈیا پر شیئر کی جارہی ہیں اور دعویٰ کیا جارہا ہے کہ یہ روس کے حملے کے بعد یوکرین کے صدر کی حالیہ تصاویر ہیں۔غلط عنوان سے تیزی سے شیئر ہونے والی تصاویر میں اس وقت اضافہ ہوا جب روسی میزائلوں نے یوکرین کے دارالحکومت کیف کو نشانہ بنایا۔ فیس بُک پر شیئر ہونے والی پوسٹ جسے 70 ہزار سے زائد بار شیئر کیا جاچکا ہے، میں دیکھا جاسکتا ہے کہ ولادومیر زیلنسکی فوجی وردی میں محازِ جنگ پر ہر لمحہ تیار ہیں۔ان تصاویر کے حوالے سے یہ بات اب سامنے آئی ہے کہ سوشل میڈیا پر تیزی سے شیئر ہونے والی ولادومیر زیلنسکی کی تصاویر حالیہ نہیں بلکہ کچھ ماہ پُرانی ہیں۔کہا جارہا ہے کہ ولادومیر زولنسکی کی یہ تصاویر 6 دسمبر 2021 کو لی گئی تھیں جب انہوں نے مشرقی یوکرین کے ڈونیٹسک علاقے سروس ممبران سے ملاقات کی تھی۔