اسلام آباد (نیشنل ٹائمز)جہاں سیاست دانوں کے لیے ایک دوسرے پر تنقید کرنا معمول کی بات ہے، وہیں گزشتہ روز وزیراعظم عمران خان کے معاون خصوصی برائے سیاسی رابطے شہباز گل نے سوشل میڈیا پر مسلم لیگ ن کی ترجمان مریم اورنگزیب کی کافی کا مذاق اُڑایا۔مائیکرو بلاگنگ سائٹ ٹوئٹر پر مریم اورنگزیب نے اپنی کافی کی تصویر شیئر کی جس پر مسلم لیگ نون کا انتخابی نشان شیر بنایا ہوا تھا جبکہ دوسری کافی پر لکھا تھا کہ شیر آگیا۔مریم اورنگزیب نے اپنی تصویر کے کیپشن میں لکھا کہ لاہور کے ایک ریستوران میں کافی کا آرڈر دیا اور یہ خوبصورت سرپرائز ملا۔دوسری جانب شہباز گل نے مریم اورنگزیب کی کافی کا مذاق اُڑاتے ہوئے کہا کہ میڈم یہ جھاگ والا شیر ہے جو تھوڑی دیر میں بیٹھ جائے گا جبکہ نیچے رہ جائے گی کالی کڑوی کافی۔ شہباز گل نے کہا کہ اور اگر آپ نے پھونک مار کر کافی پی تو پہلی پھونک سے جھاگ والا شیر بکری بن جائے گا۔اُنہوں نے مزید کہا کہ جھاگ سے بنی چیزوں کو اتنا سنجیدہ نہ لیں۔