اسلام آباد(نیشنل ٹائمز)مسلم لیگ (ن) کے رہنما اویس لغاری نے کہا ہے کہ حکومت کے نزدیک پارلیمنٹ کی نہیں، آرڈیننس کی اہمیت ہے۔اویس لغاری کا کہنا ہے کہ صرف آرڈیننس کے ذریعے بلدیاتی الیکشن کرائے جائیں گے، یہ عمران نیازی کا جمہوریت کے اوپر کھلم کھلا ڈاکا ہے، حکومت نے پارلیمان سے مسئلہ حل نہیں کیا تو عدالتوں کا رخ کریں گے۔مسلم لیگ (ن) کے رہنما کا کہنا تھا کہ (ن) لیگ ہر محاذ پر ان کا مقابلہ کرے گی اور مزاحمت کی جائے گی۔واضح رہے کہ پنجاب میں تحریک عدم اعتماد لانے کے حوالے سے صدر مسلم لیگ (ن) شہباز شریف نے جو کمیٹی تشکیل دی ہے اس میں سردار اویس لغاری بھی شامل ہیں۔