اسلام آباد(نیشنل ٹائمز)رکن پنجاب اسمبلی اور رہنما مسلم لیگ ن حنا پرویز بٹ نے مریم نواز کو مشہور ترک سیریل ’ار طغرل غازی‘ کا ارطغرل قرار دے دیا۔حنا پرویز بٹ گزشتہ روز سینئر اداکار بہروز سبز واری کے ہمراہ جیو نیوز کے پروگرام جشن کرکٹ کی مہمان بنیں جس دوران انہوں نے ملکی سیاست سمیت مختلف موضوعات پر گفتگو کی۔دوران پروگرام حنا پرویز بٹ نے پی ایس ایل میں کراچی کنگز کی شکست پر بات کرتے ہوئے کہا کہ کراچی کنگز کوشش کر رہا ہے لیکن کھیل نہیں رہا، ان کا وہی حال ہے جو ابھی عمران خان کا حال ہے۔حنا پرویز بٹ نے مزید کہا کہ ہماری لیڈر تو مریم نواز شریف ہیں جو کہ بڑی بہادر اور نڈر ہیں، وہ ارطغرل ہیں۔ایک سوال کے جواب میں حناپرویز بٹ نے اعتراف کیا کہ نواز شریف ایک نشہ ہیں اور اگر انھیں مریم نواز کا کردار ادا کرنے کے لیے آفر ہوئی تو وہ ضرور قبول کریں گی ۔