اسلام آباد(نیشنل ٹائمز) وفاقی دارالحکومت اسلام آباد میں امن و امان کی صورتحال انتہائی مخدوش ہو چکی ہے۔اسلام آباد کے تھانہ بھارہ کہو میں گولیاں چل گئیں جس سے چار افراد جاں بحق ہو گئے جبکہ ایک شخص زخمی ہو گیا، جسے طبی امداد کے لئے ہسپتال منتقل کر دیا گیا ہے، پولیس کی بھاری نفری بھی جائے وقوعہ پر پہنچ گئی ہے۔تھانہ بھارہ کہو سیری چوک پھلگراں میں راجہ ناصر کے گھر فائرنگ ہوئی، .فائرنگ میں راجہ ناصر حنیف، راجہ ہارون ایڈووکیٹ اور گارڈ سمیت چار افراد ہلاک ہو گئے۔اسلام آباد پولیس کے ترجمان کے مطابق تھانہ بھارہ کہو کے علاقہ میں فائرنگ کے واقعہ پر آئی جی اسلام آباد محمد احسن یونس نے نوٹس لیا DIG آپریشنز، SSP آپریشنز اور SP سٹی بھاری نفری کے ہمراہ موقع پر پہنچ گئے۔ابتدائی تحقیقات کے مطابق فائرنگ کا واقعہ سابقہ دشمنی کی بناء پرپیش آیا ملزمان کی گرفتاری کے لئے سرچ آپریشن جاری ہے۔قبل ازیں اسلام آباد تھانہ کورال کے علاقہ میں پولیس اور ڈاکووں کے درمیان فائرنگ کے تبادلے میں گرفتار زخمی ڈاکو کی شناخت۔سلیم مسیح عرف ہیری ڈکیت گینگ کا اہم ملزم اور گن پوائنٹ پر ڈکیتی کی متعدد وارداتوں میں ملوث جبکہ ڈکیتی ،نا جائز اسلحہ کے 3 مقدمات میں جیل جا چکا ہے۔