ارمچی(شِنہوا)چین کے شمال مغرب میں واقع سنکیانگ ویغورخوداختیارعلاقہ کی 2021کے ابتدائی 4ماہ کے دوران غیرملکی تجارت میں گزشتہ سال کی نسبت 9.5 فیصد اضافہ ہواہے۔ارمچی کسٹمز کے مطابق اس عرصہ کے دوران سنکیانگ کی کل درآمدات وبرآمدات کاحجم 39.01ارب یوآن (تقریبا 6.06ارب امریکی ڈالرز)تک پہنچ گیا۔صرف اپریل میں سنکیانگ کی درآمدات وبرآمدات کا کل حجم 10.96 ارب یوآن ہوگیا جوکہ گزشتہ سال کی نسبت30.6فیصد اور گزشتہ ماہ کی نسبت 6فیصد زائد ہے۔قازقستان خطے کا سب سے بڑا تجارتی شراکت دار برقرار رہاہے جس کی درآمدات اور برآمدات کا حجم 22.4ارب یوآن تک پہنچ گیا جو کہ گزشتہ سال کی نسبت 13.8فیصد زائد ہے اور یہ اس عرصہ کے دوران سنکیانگ کے کل غیرملکی تجارتی حجم کا 57.4فیصد حصہ بنتا ہے۔کسٹمز نے واضح کیا کہ علاقائی جامع معاشی شراکت داری کے ارکان کے ساتھ خطے کی تجارت میں بھی تیز رفتار نمو برقرار رہی،ویتنام، جنوبی کوریا، تھائی لینڈ اور جاپان کے ساتھ غیر ملکی تجارتی حجم بالترتیب 106.7 فیصد، 196.5فیصد 121.3فیصد اور 45.6فیصد تک بڑھ گیا۔